你認識舞台劇「劇后」彭秀慧（Kearen），可能是來自她的個人作品《29+1》、《再見不再見》及《月球下的人》。離開台板後，這女子便不願做「獨腳戲」，反而愛找大班朋友開餐：「一班人食中菜好熱鬧o架，又可以叫多啲餸，如果係我鍾意食嘅辣菜就最好啦！」既然如此，小記就帶她去殺館子（即四川話的上館子）─位處半山、主打四川菜的三希樓擦餐勁！
演戲有時需要啟蒙，原來食辣都要！Kearen憶述愛上食辣的經過：「記得小時候，有次同屋企人去食避風塘炒蟹，後來打包了那些炸蒜同辣椒，簡直係人間極品，食飯又加啲，食麵又加啲，連煮餸都加啲。就係咁，發現自己鍾意食辣！」當初的小女孩逐漸長大，中學時食魚蛋粉開始狂落辣椒油，成年以後更愛上台灣、四川的麻辣，愈食愈刺激。
舞台上，有Kearen一人分飾多角；飲食方面，川菜的多變亦不遑多讓。三希樓總廚顧學炳表示：「川菜是複合性的，每一道菜都有幾種味道，一般來說，會有芥辣、sq辣、麻辣、香辣、酸辣、魚香、怪味及甜酸等二十多種，所謂一菜一格，百菜百味，正宗川菜當然是麻、辣、香兼備，但也要視乎菜式而定。」
「雖然四川菜有麻有辣，但我較為欣賞當中的辣，因為怕個嘴麻痹的感覺。」任何時候都想食辣的她還說：「開唔開心啦，排戲排得辛苦啦，甚至完Show去慶功啦，都會食辣。食完辣嘢覺得好暖，心情興奮，亦係味蕾上的刺激。我試過喺台灣食麻辣火鍋，結果肚痛咗幾日，以後都要節制啲，我只係食到中辣，太勁的話會頂唔順。」
Kearen的食辣之路，足迹踏遍北京、上海及廣州等，笑言這些地方的川菜，比香港的還要啃，反而還未到訪過四川，來三希樓正好是個「綵排」。餐廳既以川菜作賣點，除有來自四川綿陽的顧師傅掌廚外，大部分食材亦來自當地，而且不靚不用，跟原裝地道的沒兩樣，像10年陳的郫縣豆瓣醬、樹上熟的花椒、四川臘腸及醬料等，還肯花心思做即撞豆腦，配上滑溜溜的牛肉，就成了其中一道招牌菜。
餐廳菜式大部分跟足傳統，唯獨要照顧港人口味，增添不少海鮮佳餚，像龍蝦麻婆豆腐、水煮東星斑等，還可另選桂花魚、龍躉，味道比一般用淡水魚做的水煮嫩滑好食，不然亦可換上水煮田雞或黃鱔。甫見水煮桂花魚上枱，Kearen即忍不住伸長條頸聞一聞，看到鋪滿碟面的辣椒，即時令她食欲大振：「魚肉好滑溜，沾上點點辣湯，只吊味而不會蓋過魚鮮，仲鍾意食埋青瓜、涼粉、芽菜等配料，吸收辣味精華一滴都唔好嘥。辣子雞亦係心水推介，雞粒炸得香脆又乾身。」
「表姐和表姐夫從美國回來，我提議來我家煮飯食，去行街市時，看到這個碟子覺得很新奇。老闆說蒸魚很合適，表姐就說：你不如買一隻啦！我話：我好少蒸魚剢喎。她說：咁蒸雞啦。我不肯定未來的日子會不會用它，但覺得個設計好得意，於是買了一隻，也送了一隻給他們帶回美國。」
「最近在看日本作家乙一的《夏天。煙火。我的屍體》，這是第二次看他的作品，我喜歡懸疑、推理類的書，而他故事的情節往往是叫人意想不到。」
「識得彈琴，但一直想學多樣樂器，終於最近去了學打鼓。一直喜歡敲擊樂，相信這些節奏，會對做劇場有幫助。」
留言列表
