小記認為，以香港人忙碌嘅生活節奏，最適合用兩種方式開餐：第一係打邊爐，真正做到「食住等喇」，仲唔驚食物凍晒；另一種係「蒲飛」，無論食飯時間長短，都可各取所需。尖東新開的意大利餐廳IL MAESTRO就推出意式午市自助餐，最平$88就食到你飽。
細個覺得到酒店食「蒲飛」好隆重，一定要着得靚靚，而且收費唔平，要邊食邊諗點樣回本。但自從蒲飛普及，而家去餐廳都有得食，價錢仲幾抵添。就好似IL MAESTRO，逢星期一至五的午市均座無虛席，皆因蒲飛每位最平$88起，即嘗到多款醃菜頭盤、火腿、芝士、沙律、薄餅及甜品等，更包一杯汽水或雜果賓治，意式風情滿瀉。
雖然收得平，又可以任食，但食物質素絕不差，補給速度亦快，像小件裝薄餅屬新鮮炮製，而火腿、芝士、風乾牛肉跟散點亦沒分別，還有甜品作結。為照顧食客，蒲飛餐單設計十分有彈性，如胃部尚有空間，不妨在食自助餐之餘，加錢升級食多道意粉或主菜，兩者款式會每日更換，唔怕食到悶。
餐廳佔地約二千平方呎，食得好之餘，仲可以舒服地Hea，雖沒傳統意式裝修，但卻在店前店內放了幾張搶眼的粉色系梳化，加上大門長開，悠閒得像置身當地。最特別是餐廳設有一個冷藏室，用來存放芝士、意大利火腿、香腸及蔬菜等，有何靚貨都可在外邊睇得一清二楚。
若有客人柯打凍肉芝士拼盤，店員便會即刻「入房」揀選，而其他食材像番茄、麵粉、麵包及醃菜等，亦是來自意大利。晚市只供應散點菜式，當中以肉類及薄餅最受歡迎，像炸得薄脆的米蘭牛仔扒，濃味的炆牛膝等，薄餅則全是自家製，薄身脆口，飯後再來杯意國名物Caffe Pascucci，心滿「意」足。
環境氣氛：5
好味指數：5
必食推介：La Margherita、IL Platto Dello Chef
人均消費：$100起
眼前一大籃麵包都是來自意大利，精美得令人想每個咬一口，這些Altamura麵包來自Puglia，全人手製造，屬半製成品，只需解凍及翻熱即可品嘗，外脆內軟，另有番茄、洋葱及橄欖等做餡料，款式頗多。
留言列表
